ತಾಲ್ಲೂಕಿನ ಗೊಲ್ಲರಹಟ್ಟಿಗಳ ಸಮಗ್ರ ಅಭಿವೃದ್ಧಿಗೆ ಆದ್ಯತೆ : ಡಾ.ಸಿ.ಎಂ.ರಾಜೇಶ್ ಗೌಡ

ಶಿರಾ : ಸ್ವಾತಂತ್ರ್ಯ ಬಂದು 75 ವರ್ಷ ಕಳೆದರೂ ಗೊಲ್ಲರಹಟ್ಟಿಗಳು ಅಭಿವೃದ್ಧಿಯಾಗಿಲ್ಲ ಈ ನಿಟ್ಟಿನಲ್ಲಿ ಗೊಲ್ಲರಹಟ್ಟಿಗಳ ಸಮಗ್ರ ಅಭಿವೃದ್ಧಿಗೆ ಕೈಗೊಂಡಿದ್ದೇನೆ. ಸುಮಾರು 8.50 ಕೋಟಿ ರೂ. ವೆಚ್ಚದಲ್ಲಿ ಗೊಲ್ಲರಹಟ್ಟಿ ಅಭಿವೃದ್ಧಿಪಡಿಸಲಾಗುವುದು ಎಂದು ಶಾಸಕ ಡಾ.ಸಿ.ಎಂ.ರಾಜೇಶ್ ಗೌಡ ಹೇಳಿದರು.
ಅವರು ಶಿರಾ ತಾಲ್ಲೂಕಿನ ಹೆಗ್ಗನಹಳ್ಳಿ ಗೊಲ್ಲರಹಟ್ಟಿ, ಎಮ್ಮೆರಹಳ್ಳಿ, ದೇವರಪುರ, ಕಳುವರಹಳ್ಳಿ ಗೇಟ್ ಸೇರಿದಂತೆ ಹಲವು ಗ್ರಾಮಗಳಲ್ಲಿ ಸಿಎನ್‌ಎನ್‌ಎಲ್ ಯೋಜನೆಯ ವಿಶೇಷ ಅಭಿವೃದ್ಧಿ ಯೋಜನೆಯಡಿ ಸುಮಾರು 2.65 ಕೋಟಿ ರೂ ವೆಚ್ಚದ ರಸ್ತೆ ಹಾಗೂ ಚರಂಡಿ ಕಾಮಗಾರಿಗೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದರು. ಹೇಮಾವತಿ ನೀರಾವರಿ ಯೋಜನೆ ಹಾಗೂ ಸಿಎನ್‌ಎನ್‌ಎಲ್, ಅಪ್ಪರ್ ಭದ್ರ ಯೋಜನೆಯಡಿಯಲ್ಲೂ ರಸ್ತೆ ಕಾಮಗಾರಿಗಳನ್ನು ಮಾಡಲಾಗುವುದು. ಮುಖ್ಯಮಂತ್ರಿಗಳು ವಿಶೇಷವಾಗಿ 52 ಕೋಟಿ ರೂ. ಅನುದಾನವನ್ನು ನೀಡಿದ್ದು 2 ಕೋಟಿ ದೇವಸ್ಥಾಗಳ ಅಭಿವೃದ್ಧಿಗೆ, 5 ಕೋಟಿ ನೀರಾವರಿ ಯೋಜನೆಗೆ ಹಾಗೂ ಉಳಿಕೆ 45 ಕೋಟಿ ರೂ.ಗಳನ್ನು ರಸ್ತೆ ಅಭಿವೃದ್ಧಿಗೆ ವಿನಿಯೋಗಿಸಲಾಗುವುದು. ಶೀಘ್ರದಲ್ಲಿಯೇ ಸುಮಾರು 140 ಹಳ್ಳಿಗಳಲ್ಲಿ ಕಾಮಗಾರಿ ಪ್ರಾರಂಭಿಸಲಾಗುವುದು. ಇದರ ಜೊತೆಯಲ್ಲಿ ಸುಮಾರು 23.50 ಕೋಟಿ ರೂ. ವೆಚ್ಚದಲ್ಲಿ ಅಮರಾಪುರ-ಬರಗೂರು ರಸ್ತೆ ಕಾಮಗಾರಿ ಕೈಗೊಳ್ಳಲಾಗುವುದು ಎಂದರು.
ಈ ಸಂದರ್ಭದಲ್ಲಿ ಬಿಜೆಪಿ ಗ್ರಾಮಾಂತರ ಅಧ್ಯಕ್ಷ ರಂಗಸ್ವಾಮಿ, ಮುಖಂಡರಾದ ತಿಮ್ಮಣ್ಣ, ಗೋವಿಂದಪ್ಪ, ಮಾಜಿ ತಾ.ಪಂ. ಅಧ್ಯಕ್ಷ ಯಲಿಯೂರು ಮಂಜುನಾಥ್, ಮುದಿಮಡು ಮಂಜುನಾಥ್, ರಾಮಣ್ಣ, ಗಂಗಣ್ಣ, ಚಿತ್ತಾಯ್ಯ, ಮಂಜುಳಮ್ಮ, ದಾಸರಹಳ್ಳಿ ಹನುಮಂತಣ್ಣ, ಯಲಿಯೂರು ಗ್ರಾ. ಪಂ. ಅಧ್ಯಕ್ಷರು ನಾಗವೇಣಿ, ಭಾಗ್ಯಮ್ಮ, ಮೋಹನ್, ವೆಂಕಟರಾಮು, ವೈಡಿ ಗೋವಿಂದರಾಜು, ನವೀನ್, ಗುಮ್ಮನಹಳ್ಳಿ ಈರಣ್ಣ, ಶಿವಮ್ಮ, ಹನುಮಂತರಾಯಪ್ಪ, ಮಂಜಮ್ಮ ಸೇರಿದಂತೆ ಹಲವರು ಹಾಜರಿದ್ದರು.