ಕುಣಿಗಲ್ : ಕುರಿ ಮಂದೆ ಮೇಲೆ ಲೋಡು ತುಂಬಿದ್ದ ಲಾರಿ ಹರಿದ ಪರಿಣಾಮ ಸ್ಥಳದಲ್ಲಿಯೇ 60 ಕುರಿ ಮೃತಪಟ್ಟು 20 ಕುರಿ ಗಾಯಗೊಂಡಿರುವ ಘಟನೆ ಶುಕ್ರವಾರ ಬೆಳಗಿನ ಜಾವದ ಸಮಯದಲ್ಲಿ ಪಟ್ಟಣದ ಹೊರ ವಲಯದ ರಾಷ್ಟ್ರೀಯ ಹೆದ್ದಾರಿ 75 ರ ಗವಿಮಠ ಬಳಿ ಜರುಗಿದೆ.
ಆಂದ್ರಪ್ರದೇಶದ ಮಡಕಶಿರಾ ತಾಲೂಕು ರಾಮಯ್ಯನಹಟ್ಟಿ ಗ್ರಾಮದ ಡೊಡ್ಡಹೀರಪ್ಪ ಕುರಿ ಕಳೆದುಕೊಂಡ ರೈತನಾಗಿದ್ದು ಈತ ಪ್ರತಿ ವರ್ಷ ಕುರಿ ಮಂದೆಗಳನ್ನು ತನ್ನ ಗ್ರಾಮದಿಂದ ತುಮಕೂರು, ಮಂಡ್ಯ, ಸೇರಿದಂತೆ ವಿವಿಧ ಜಿಲ್ಲೆಯ ತಾಲೂಕು ಹಾಗೂ ಗ್ರಾಮಗಳಿಗೆ ಕರೆದೊಯ್ದು ಅಲ್ಲಿನ ರೈತ ಜಮೀನಿನಲ್ಲಿ ಮಂದೆ ಹಾಕಿ ಜಮೀನಿನ ಮಾಲಿಕರಿಂದ ದವಸ ಧಾನ್ಯ, ಹಾಗೂ ಹಣವನ್ನು ಪಡೆಯುವುದು ಸಾಮಾನ್ಯಕೆಲ ತಿಂಗಳ ಹಿಂದೆ ದೊಡ್ಡ ಹೀರಪ್ಪ ತನ್ನ ಹತ್ತು ಮಂದಿ ಸಹಚರರೊಂದಿಗೆ ನೂರಾರು ಕುರಿಗಳನ್ನು ಮದ್ದೂರಿನ ರೈತ ಜಮೀನಿನಲ್ಲಿ ಬೀಡು ಬಿಟ್ಟು, ಬಳಿಕ ತಮ್ಮ ಗ್ರಾಮಕ್ಕೆ ಗುರುವಾರ ಕುರಿಗಳನ್ನು ಕರೆದುಕೊಂಡು ಬರುತ್ತಿರಬೇಕಾದರೆ ಗವಿಮಠ ಹಳೇ ಗ್ರಾಮಪಂಚಾಯತಿ ಸರ್ಕಲ್ ನಲ್ಲಿ ಲೋಡು ತುಂಬಿದ್ದ ಲಾರಿಯೊಂದು ಕುರಿ ಮಂದೆ ಮೇಲೆ ಹರಿದು 60 ಕುರಿಗಳು ಮೃತಪಟ್ಟು 20 ಕುರಿಗಳು ಗಾಯಗೊಂಡಿವೆ ಲಾರಿ ಚಾಲಕ ಪರಾರಿಯಾಗಿದ್ದು ಈ ದೃಶ್ಯವನ್ನು ನೋಡಿದ ಜನರು ದಿಗ್ಭ್ರಾಂತರಾಗಿದ್ದಾರೆ ಈ ಸಂಬಂಧ ಕುಣಿಗಲ್ ಪೋಲೀಸ್ ಠಾಣೆಗೆ ದೂರು ಸಲ್ಲಿಕೆಯಾಗಿದೆ.
